Þjóðgarðurinn

Sögurammi og vefsíður um þjóðgarð og fugla
Nemendur fást við náttúru Íslands frá fjöru til fjalla og fléttast inn í það fróðleikur um fugla í náttúru Íslands. Nemendur búa saman til þjóðgarð á Austurlandi. Upplýsingatækniverkefnið sem lagt er upp í þessum söguramma felst í vefsíðugerð. Hver nemandi býr til vef með upplýsingum um þjóðgarðinn og fugl að eigin vali.

Dæmi um vefi eftir nemendur
Hér má sjá tvo vefi um þjóðgarðinn Þórðarhöfða og valinn fugl
eftir nemendur í 6. bekk Kársnesskóla haustið 2014:

Þjóðgarðurinn Þórðarhöfði og auðnutittlingur - Þjóðgarðurinn Þórðarhöfði og heiðlóa

Vefsíðugerð í Weebly
Hægt er að nota ýmist forrit í vefsíðugerðina en hér verður notast við Weebly. Unnið er á vefsetri Weebly sem nota má frítt og hentar sérstaklega vel fyrir skólastarf. Þar geta kennarar skráð sig inn og stofnað vefi fyrir nemendur sína og þannig átt greiða leið að öllum síðum nemenda með sínum aðgangsorðum. 
 
Leiðbeiningar og kennslumyndir fyir nemendur
Á síðunni Fyrir nemendur eru leiðbeiningar og kennslumyndir um vefsíðugerð í Weebly.

Skráning og aðgangur fyrir kennara
Hér eru leiðbeiningar fyrir kennara um hvernig fá má sérstakan aðgang fyrir kennara á slóðinni
http://education.weebly.com. Einnig er útskýrt hvernig stofna á nemendavefi skref fyrir skref
eftir að sá aðgangur er fenginn. 

Hér má ná í leiðbeiningarnar í pdf-skjali.

Heim

Fyrir nemendur

Leiðsögn og spjall um útlit á vefsíðum
Áður en hafist er handa við vefsíðugerðina er gott að sýna nemendum nokkra vefi og spjalla um atriði sem vert er að hafa í huga þegar vefur er búinn til. Mikilvægt er að hafa vefsíður þannig upp settar að þær séu þægilegar aflestrar. Hér fyrir neðan er upptaka af örstuttri kynningu um útlit á vefsíðum sem hægt er að sýna nemendum áður en þeir byrja á vinnunni. 

Einnig eru hér skjámyndirnar sem notaðar eru í kynningunni og má nota þær að vild.